Våge sentrum blir fylt med liv og røre når marknadsdagen går av stabelen!

Frå ferjekaien og opp gjennom handelsgata blir det livleg stemning med sjonglørar, klovnar og ablegøyer som sørger for latter og underhaldning. Det blir popup-innslag og ansiktsmåling for dei minste – perfekt for små superheltar og eventyrfigurar i emning.

Langs kaien og i sentrum finn du boder med lokal mat, handverk og kortreiste skattar – alt levert av dyktige og engasjerte utstillarar frå Tysnes og omegn.

🎉 Marknadsdagen er ein fest for heile familien, med noko for både små og store. Kom og opplev den unike stemninga – midt i hjartet av Våge!