Ekstraordinære båtruter til/frå Tysnesfest

Det Midthordlandske Dampskipsselskab AS har også i år sett opp rute frå Strandkaiterminalen i Bergen og frå Leirvik til Tysnesfest. Dei utvider med enda fleire stoppestadar i tillegg til at båten går frå Bergen og om torsdagen! 

I år går det hurtigbåt frå Bergen, Kleppestø, Hufthamar og Os til Tysnesfest torsdag, fredag og laurdag. Det går hurtigbåt frå Leirvik via Bømlo og Fitjar til Tysnesfest laurdag. Her blir det heilt sikkert fullt, så ver kjapt ute med bestillinga di! 

NB: Båten som kjem frå Bergen torsdag er i Våge klokka 20.00, og her står det bussar klare for å ta passasjerane vidare opp til Gjerstad Arena slik at de rekk LIND+NILSEN+FUENTES+HOLM som går på scena ca. 20.20! Fredagen kjem båten til Våge 20.20, og bussar står og då klare for shuttle opp til Gjerstad slik at de rekk 10cc.

Kjem du frå Ranavik/Sunde kan du ta hurtigbåten som går i vanlig rutetrafikk til Leirvik, så tek du den same båten vidare til festivalen. Obs: På returen går båten berre til Sunde, ikkje Ranavik!

Billettar til Bergen-Austevoll-Os-Tysnes kjøper du her.

Billettar til (Sunde-Ranavik)-Leirvik-Fitjar-Tysnes kjøper du her.